بسم اللہ الرحمن الرحیم
ان کٹھن دنوں میں معزز لبنانی عوام کو وسیع پیمانے پر اسرائیلی وحشیانہ جارحیت کا سامنا ہے، یہ جارحیت انتہائی وحشیانہ طریقوں سے جاری ہے، جس میں ذاتی مواصلاتی آلات کے ذریعے بڑی تعداد میں دھماکے اور شہری آبادیوں پر حملے، جن میں عام شہری سمیت خواتین اور بچے بھی شامل ہیں اور نیز جنوبی لبنان اور بقاع کے درجنوں دیہات اور قصبوں پر شدید بمباری کی جا رہی ہے، جس کے نتیجے میں اب تک متعدد مزاحمتی مجاہدین اور بے گناہ شہری شہید اور ہزاروں افراد اپنے گھروں سے بے دخل ہو چکے ہیں، مرجعیت، لبنان کے عزیزوں کے ساتھ مکمل یکجہتی اور ہمدردی کا اظہار کرتی ہے اور اللہ تعالیٰ کی بارگاہ میں دعاگو ہے کہ وہ لبنانی عوام کی حفاظت فرمائے، انہیں اپنی پناہ میں رکھے اور شریروں کے شر اور بدکاروں کی سازشوں سے محفوظ رکھے۔ ہم شہداء کے لیے اللہ کی رحمت اور خوشنودی اور زخمیوں کی جلد صحت یابی کی دعا کرتے ہیں۔
دفترِ آیت اللہ العظمٰی سیستانی اس وحشیانہ جارحیت کو روکنے اور لبنانی عوام کو اس کے تباہ کن اثرات سے بچانے کے لیے ہر ممکن اقدامات کرنے کا مطالبہ کرتا ہے اور تمام مؤمنین سے اپیل کرتا ہے کہ وہ لبنانی عوام کی مشکلات کو کم کرنے اور ان کی انسانی ضروریات کو پورا کرنے کے لیے جو کچھ کر سکتے ہیں، وہ کریں۔
اللہ لبنان اور اس کے معزز عوام کو ہر مصیبت سے محفوظ رکھے۔
١٩ ربیع الاول ١٤٤٦ھ
مطابق 23 ستمبر 2024
دفترِ سید سیستانی دام ظلہ – نجف اشرف
