بسم اللہ الرحمن الرحیم
مسلم اقوام اور خطے کے غیور جوانو!
بہادر مجاہد، کمانڈر یحیٰی السنوار اپنے شہید ساتھیوں سے جا ملے۔
وہ مزاحمت اور جدوجہد کا درخشاں چہرہ تھے؛ فولادی عزم کے ساتھ ظالم اور جابر دشمن کے مقابلے میں ڈٹے رہے، دشمن کو تدبیر اور شجاعت سے طمانچہ مارا، اس خطے کی تاریخ میں 7 اکتوبر جیسی ناقابلِ تلافی ضرب، یادگار کے طور پر چھوڑی اور اس کے بعد عزت اور سربلندی کے ساتھ شہداء کی معراج پر پرواز کر گئے۔
ان (شہید سنوار) جیسا انسان، جس نے ایک عمر غاصب اور ظالم دشمن کے خلاف جدوجہد کی ہو، اس کے لیے شہادت کے سوا کوئی انجام سزاوار نہیں ہے۔ یقیناً ان کا فقدان مزاحمتی محاذ کے لئے دردناک ہے، لیکن شیخ احمد یاسین، فتحی شقاقی، رنتیسی اور اسماعیل ہنیہ جیسی ممتاز شخصیات کی شہادت کے بعد بھی اس محاذ کی پیش قدمی میں کوئی رکاوٹ نہیں آئی اور سنوار کی شہادت سے نیز ذرہ برابر وقفہ پیدا نہیں ہوگا؛ خدا کی اجازت سے۔ حماس زندہ ہے اور زندہ رہے گی۔
ہم ہمیشہ کی طرح خدا کی توفیق اور خدا کی نصرت سے مخلص مجاہدین اور جنگجووں کے شانہ بشانہ کھڑے رہیں گے۔
ہم اپنے بھائی یحیٰی السنوار کی شہادت پر ان کے اہل خانہ، ساتھی مجاہدین اور جہاد فی سبیل اللہ سے قلبی لگاؤ رکھنے والے تمام افراد کو مبارک باد پیش کرتے ہیں اور ان کے فقدان پر تعزیت پیش کرتے ہیں۔
والسّلام علی عباد اللہ الصالحین
سید علی خامنہ ای
19 اکتوبر 2024
