بسم اللہ الرحمن الرحیم
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا.
انتہائی غم اور افسوس کے ساتھ علامہ حجت الاسلام والمسلمین سید حسن نصر اللہ اور ان کے ساتھ لبنانی مقاومت کے کئی ساتھیوں کی شہادت کی خبر موصول ہوئی، آپ بیروت کے جنوبی ضاحیہ میں کیے گئے اسرائیلی دہشت گردانہ حملے میں درجنوں بے گناہ شہریوں کے ساتھ شہید ہو گئے۔
یہ عظیم شہید حالیہ دہائیوں میں ایک ایسے بے مثال رہبر و قائد تھے، جنہوں نے لبنان کی آزادی میں قابض اسرائیل کے خلاف عظیم کامیابیاں حاصل کرنے میں اہم کردار ادا کیا۔
اسی طرح انہوں نے عراق کے لوگوں کو داعشی دہشت گردوں کے چنگل سے نجات دلانے کے لیے بھی اپنی پوری طاقت سے حمایت کی اور مظلوم فلسطینی عوام کی مدد میں بھی ہمیشہ شاندار مؤقف اختیار کیا۔ آخرکار، انہوں نے اپنی قیمتی زندگی اس مقدس راہ میں قربان کردی۔
ہم اس عظیم مصیبت اور ناقابلِ تلافی نقصان پر لبنانی عوام اور دیگر مظلوم قوموں کو تعزیت پیش کرتے ہیں اور اللہ تعالیٰ سے دعا کرتے ہیں کہ وہ اس عظیم شہید کو اپنی وسیع رحمت اور رضا میں شامل فرمائے اور انہیں حضرت محمد صلی الله علیہ و آلہ وسلم اور ان کے پاک اہل بیت علیہم السلام کے ساتھ اعلیٰ علیین میں جگہ عطا فرمائے اور ان کے اہل خانہ اور تمام غمزدہ خاندانوں کو صبر جمیل اور اجر عظیم عطا فرمائے۔
إنا لله و إنا إليه راجعون
دفترِ آیت اللہ سیستانی، نجف اشرف عراق
۲۴ ربیع الاول ۱۴۴۶ ہجری / 28 ستمبر 2024
