انقلاب کا دوسرا قدم یا انقلاب کا دوسرا مرحلہ کہ جو عظیم الشان اہداف بالخصوص عالمی عدل و انصاف پر مبنی الٰہی حکومت کا قیام یعنی مہدوی حکومت کے لیے جدوجہد کرنا یعنی تمام انسانوں کو ظلم وستم سے نجات دینے والے خدا کی آخری حجت امام مہدی عجل اللہ تعالٰی فرجہ الشریف کے ظہور کے لیے میدان ہموار کرنا، آمادگی کرنا اور عالمی اسلامی پاک و پاکیزہ تمدن کے قیام کے لیے جدوجہد کرنے سے عبارت ہے۔
خود سازی، معاشرہ سازی اور تمدن سازی کے لیے جدوجہد کرنا، جب دنیا مادی مشرق اور مادی مغرب میں تقسیم ہو چکی تھی اور ایک عظیم دینی تحریک کسی کے وہم و گمان میں بھی نہ تھی، تب ایران کے اسلامی انقلاب نے پوری طاقت و جلال کے ساتھ میدان میں قدم رکھا۔ اُس نے سارے لگے بندھے سانچے توڑ دیے۔ فرسودہ نظاموں کا عبث ہونا دنیا کے سامنے آشکار کر دیا۔ اُس نے دین و دنیا کو یکجا کر کے پیش کیا اور ایک نئے عہد کے آغاز کا اعلان کیا۔
اس بارے میں دلچسپ اور خوبصورت گفتگو اس ویڈیو میں مشاہدہ کیجئے۔
