اسلام محمدی کا آفتاب ایک انقلاب کی صورت میں دنیا میں چمکا. جس طرح آفتاب کی روشنی ہر ذی حیات کو حیات بخشتی ہے، جس طرح بہار کے چمن کی خوشبو کی مہک ہر ذی حیات کو تازگی بخشتی ہے، اسی طرح اسلام محمدی کی خالص تعلیمات مردہ معاشروں کو حیات بخشتی ہیں. دنیا کی ابلیسی طاقتوں نے اسلام کی نورانی کرنوں کو پھیلنے سے روکنے کے لیے اسلام کے نام پر اسلام کی بھیانک تصویر دنیا کو دکھانے کی کوشش کی لیکن خاندان رسالت اور مکتب عاشورہ کے پیروکاروں نے اسلامی انقلاب کی شکل میں خالص محمدی اسلام کی حیات بخش تعلیمات کا بیڑا اپنے کاندھوں پر اٹھایا اور دنیا کی ابلیسی طاقتوں کے مذموم عزائم کو خاک میں ملا دیا ہے. آج انقلاب کی مقاومتی، الہی اور انسانی تعلیمات سرحدوں سے بالاتر ہر زندہ ضمیر انسان کے دل کی آواز بنتی جا رہی ہیں اور یہ سلسلہ منجی بشریت کے ظہور تک انشاء اللہ جاری و ساری رہے گا.
اس بارے میں ولی امر مسلمین سید علی خامنہ ای حفظہ اللہ کے بیانات سے استفادہ کرنے کے لیے اس ویڈیو کا ضرور مشاہدہ کیجئے.
