انسان کی زندگی میں باپ کی مثال ایک سایہ دار درخت کی مانند ہوتی ہے جو اس کی چھاؤں میں رہنے والے کے لیے سکون کا باعث ہوتا ہے۔ بالکل اسی طرح باپ بھی ہمیشہ اپنی اولاد کے لیے ہر قسم کی سہولتوں کو فراہم کرتے ہوئے ایک سایہ دار درخت کی طرح انہیں آسائش اور سکون فراہم کرتا ہے۔ باپ کے ہی وجود کی بدولت انسان اپنے آپ کو مضبوط اور توانا محسوس کرتا ہے۔ انسان اپنے باپ کی پشت پناہی سے ہی ترقی کی منزلوں کو طے کرتا ہے۔ باپ ہی وہ ہستی ہے جسے ایک نظر پیار سے دیکھنے پر ثوابِ حج اور جس کی رضا کو رب نے اپنی رضا کہا ہے۔ باپ وہ عظیم ہستی ہے جو ساری زندگی اولاد کے بہتر مستقبل کے لیے اپنی خوشیوں کی قربانی دیتے ہوئے اپنا خونِ جگر پیتا ہے۔ اس فارسی ترانے میں شاعر کی زبانی اسی احساس کو اجاگر کرتے ہوئے باپ کی قربانیوں کی جانب کسی حد تک اشارہ کرنے کی کوشش کی گئی ہے، جسے آپ اردو ترجمے کے ساتھ اس ویڈیو میں دیکھ سکتے ہیں۔
