حیدرؑ حیدرؑ یا صیہون، ایران کے معروف نوحہ خواں جناب محمد اسد اللہی کا ترانہ ہے، جو کہ ماضی میں نشر ہونے والے معروف ترانے سلام فرماندہ کی طرح، ایک ایمان افروز ترانہ ہے۔ جس کا محور امام زمانہؑ سے عشق، شوقِ شہادت اور اپنے وقت کی یزیدیت سے نفرت کا اظہار ہے۔ یہ ترانہ حالیہ دنوں میں غزہ کی صورتحال کی مناسبت سے جاری کیا گیا ہے، جو کہ بچوں اور نوجوانوں کے تجدیدِ عہد اور جذبہِ ایمانی کا اظہار ہے۔ اس محبت کا اظہار ہے جو ان کو امام زمانہؑ اور القدس سے ہے۔ اسی طرح اُس نفرت کا اظہار ہے، جو ہر ظالم سے اور بالخصوص امریکہ و اسرائیل اور صیہونیوں سے ہے۔
یہ ترانہ اسلامی جمہوریہ ایران میں "حریفت منم" کے نام سے بہت معروف ہو رہا ہے۔
