روایات اور احادیثِ معصومین علیہم السلام میں ماہ مبارک رمضان کو معنویت کی بہار کا مہینہ کہا گیا ہے اور خطبۂ شعبانیہ کے مطابق اس مہینے میں انجام دیا جانے والا ہر نیک عمل، دوسرے مہینوں میں انجام دیے جانے والے اعمال کے ثواب سے کہیں زیادہ ثواب رکھتا ہے۔ اس مہینے میں قرآن کریم کی ایک آیت کی تلاوت دوسرے مہینوں میں پورے قرآن کی تلاوت کے برابر ثواب رکھتی ہے۔ اس مہینے میں انسان کی دعائیں مستجاب ہوتی ہیں اور عبادات قبول ہو جاتی ہیں، یہاں تک کہ اس مہینے میں سانس لینا بھی تسبیح کا درجہ رکھتی ہے، لہذا اس مہینے کی ضیافت سے بھرپور استفادہ کرتے ہوئے اس کے ہر لمحے سے استفادہ کرنے کی کوشش کرنی چاہیے تاکہ انسان کمال کی منزلوں کو طے کرتے ہوئے اللہ سے قریب ہو سکے۔ اس مہینے کے اوقات میں سے وقتِ سحر بہت ہی اہمیت کا حامل ہے اور اس کو کسی بھی صورت میں ہاتھ سے جانے نہیں دینا چاہیے۔
وقتِ سحر کی اہمیت کیا ہے؟ وقتِ سحر سے محرومی کی صورت میں انسان کس طرح کے نقصان سے دوچار ہوتا ہے؟ موجودہ دور میں سحر کے وقت سے استفادہ کرنا کیوں کر اہمیت کا حامل ہے؟ ان سوالات کے جوابات سے آگاہی کے لیے ولی امر مسلمین سید علی خامنہ ای کے بیانات پر مشتمل اس ویڈیو کو ضرور دیکھیے۔
