عزاداری، امام حسینؑ کی مجلسوں سے آج کا طاغوت ڈرتا ہے، کیونکہ یہ عزاداری اور امام حسین کا نام ہے جس نے امتوں اور قوموں کو جوڑا ہوا ہے اور مختلف لوگوں کو ایک جگہ پر اکٹھا کیا ہوا ہے۔
اگر اسلام کی تبلیغ میں کچھ بھی کرنا ہو تو اس کے لئے یہ عزاداری یہ مجلسیں ایک بہترین وسیلہ ہیں۔ یہی وجہ ہے کہ یہ گریہ اور عزاداری ایک انسان کی بہترین تربیت کرتے ہیں اور ظلم اور ستم کے خلاف ایک آواز ہیں۔
امام خمینیؒ عزاداری اور امام حسینؑ کے نام کی اس برکت کی طرف اشارہ کرتے ہیں کہ یہ امام حسینؑ کا نام ہی ہے جس نے ہمیں اس طرح منظم کیا ہے۔
