موجودہ دور میں ایران کے اندر انقلاب اسلامی کی کامیابی کسی معجزے سے کم نہیں تھی اور اس انقلاب کے بانی رہبر کبیر انقلاب اسلامی حضرت امام خمینیؒ کی ذات گرامی ہے۔ حضرت امام خمینیؒ اپنی ذات میں بہت سی خوبیوں اور ممتاز صفات کےمالک تھے اور انہیں صفات کی وجہ سے آپ کی ذات بھی دوسروں سے ممتاز تھی۔ ان تمام صفات میں سے ایک اہم صفت جو دیگر صفات کے مقابلے میں زیادہ نمایاں تھی وہ مقاومت ہے۔ امام خمینیؒ کے مقاومت سے بھر پور ارادے نے دشمن کی تمام تر دھمکیوں کو پس پشت ڈالتے ہوئے انقلاب کی کامیابی کی راہ میں حائل تمام تر رکاوٹوں کو سر راہ سے ہٹایا اور انقلاب اسلامی کو کامیابی کے ساحل سے ہمکنار کردیا۔ اس ضمن میں کبھی بھی آپکے پائے ثبات میں کسی قسم کا کوئی تزلزل نہیں دیکھا گیا جبکہ دوسری جانب بہت سے افراد کے قدم ڈگمگائے جس کے نتیجے وہ راستے سے منحرف ہوگئے اور انہوں نے انقلاب کا ساتھ چھوڑدیا۔ چنانچہ امام خمینیؒ کی اس خصوصیت کے بارے میں مزید آگاہی کے لئے ولی امر مسلمین امام سید علی خامنہ ای کی اس ویڈیو کو ضرور دیکھئے۔
