اخلاقی اور روحانی امراض میں سے ایک بری اور رذیلہ صفت خود بینی ہے جو شیطان کی میراث ہے۔ خود بینی کا مطلب یہ ہے کہ انسان اپنے آپ کو دوسروں سے بہتر اور برتر سمجھے۔ شیطان نے اللہ کے حکم کے آگے تسلیم ہونے سے انکار کرتے ہوئے حضرت آدمؑ کو سجدہ نہیں کیا جس کے نتیجے میں وہ ہمیشہ ہمیشہ کے لیے راندۂ درگاہِ الٰہی قرار پایا۔ آج بھی دنیا میں جتنے فسادات رونما ہوتے ہیں خواہ وہ افراد کی طرف سے ہوں یا پھر حکومتوں کی طرف سے، سب کا سرچشمہ یہی اخلاقی برائی ہے۔ چنانچہ اس رذیلہ صفت کے سلسلے میں قرآن کیا کہتا ہے؟ اور حضرت آدم علیہ السلام اور ابلیس کی کہانی میں کون سے سبق موجود ہیں؟ ہم ان سے کس طرح عبرت حاصل کر سکتے ہیں؟ آئیں دیکھتے ہیں امام خمینی رضوان اللہ تعالیٰ علیہ کی اخلاقی نصیحتوں پر مشتمل اس ویڈیو میں۔
