اس میں شک نہیں کہ انسانی زندگی میں وہی امور صحیح طرح پایہ تکمیل تک پہنچتے ہیں جو باقاعدہ منصوبہ بندی اور پروگرامنگ کے تحت انجام پاتے ہوں، کیونکہ منصوبہ بندی کے نتیجے میں پہلے سے طے شدہ اہداف کے حصول میں آسانی ہوتی ہے۔ بنیادی طور پر انسان کی کامیاب زندگی کے تانے بانے پروگرامنگ سے ہی جڑے ہوئے ہیں اور پروگرامنگ کے بغیر کامیابی کا تصور ممکن نہیں، چنانچہ یہ قاعدہ جہاں انسانی زندگی کے دیگر امور میں کامیابی کیلئے ضروری ہے وہیں امت مسلمہ کے درمیان اتحاد اور اتفاق کی فضا کو قائم کرنے اور اسے فروغ دینے کیلئے بھی ضروری ہے اور بلاشبہ مسلمانوں کا آپس میں بیٹھ کر اتحاد کے سلسلے میں باقاعدہ منصوبہ بندی کرنا اتحاد کے متحقق ہونے کیلئے سب سے طاقتور اور موثر ذریعہ ہے اور یہ کام ہفتہ وحدت کے موقع پر بہترین طریقے سے انجام پاسکتا ہے۔
امت مسلمہ کے درمیان اتحاد اور اتفاق کی فضا کو قائم کرنے کے حوالے سے جو ذمہ داری ہمارے اوپر عائد ہوتی ہے کیا وہ صرف دنیا کے گوشہ و کنار میں کچھ نشستوں کے انعقاد کرنے سے پوری ہوجاتی ہے؟ یا پھر اس ضمن میں ہمیں منصوبہ بندی کی ضرورت ہے؟ اور اسکی مثال کیا ہوسکتی ہے؟ افغانستان کے عہدیداروں کو کیا کرنا چاھیے؟
ان تمام باتوں کے بارے میں آگاہی کیلئے ولی امر مسلمین امام سید علی خامنہ ای کے بینات پر مبنی اس ویڈیو کو ضرور دیکھیے۔
